Sóto ‘na ciàra luna
e sóto i àlbari déla Bra,
quando el butìn, ‘n té la cuna,
l’è bèlo che ‘ndormensà,
a partìr da nòte inoltrà,
tùto se pól pensàr,
ma nò, pardiàna – resto ‘ncantà! –
che du pìtari sentìr se pòssa cantàr…
De nòte? Sì, pròpio de nòte,
ànca se pàr de nò:
de du oselèti – océti furbi e pétésìn rosso –
le bèle nòte ‘scóltàr mé fa prò…
‘Na bèla compagnia,
che mai avarìa pensà:
par ...

Co’ ‘na bèla Messa,
i-a ‘naugurà
de San Piero Martire la casa istéssa
e de la só vita i-a predicà…
‘N gran còro
a Dio ‘l cantàva
– l’ànema de tùti la sentiva ristoro! –
che San Piero Martire tanto l’amava…
Védéndo, da la rovina,
rénàssar la céséta,
onór de Verona, zà dozènto àni prima,
e al cópatròno grande la festa,
el me cór la ciapà fià,
– tùto ‘l rèsto ‘l mé paréa desmentegà –
ai bèi tempi me ...

Là ‘n fondo, là de drìo,
fra i àlbari e la Gran Guardia,
véde l’òcio mìo
de zàla luna
‘n gran tòco:
‘n sóma, ‘na fortuna…!
Vàrdàndo sta luna
– tra aria tiépida e bòna –
el só butìn ‘na màma la cùna…
‘Na luna, ‘ntanto, se véde: la rìde a tùti e
àla Piàssa,
da apéna de sóra ai merli scaligeri…
‘N bèl véntesèl, po’, el calór via ‘l
spàssa…
Un dei tanti spetàcoli de la Bra,
bèlo e ...

Te si bèla ànca quando pióve:
el Listón el slùsega,
le pòce le sé móve,
i lampióni i par più bèi,
piéni de gósse,
e par che i dìga: ”Ànca se pióve, móìve, butèi!”
‘N té l’aria trasparente,
ride i palàssi,
e, ‘ntànto, ciàcólàr se sènte
dei grondài i pissaròti,
che, o piàssa, la tó lónga storia i cónta…
La Réna e mi tùto ‘scóltémo dai tó pissaròti…

Da càlche àno,
se pól giràr par l’Europa,
sènsa che la scarsèla la g’àbia dàno,
parché, a dìr la verità,
nó gh’è più né dogane, né cambi
e, de móvarse, gh’è libartà…
L’euro l’è sta ‘n bòn afàr:
co’ lù, se compra e se vénde
dapartùto, sènsa mai cambiàr,
quando, prima, gh’éra da fermàrse
a ogni pissàda de càn,
e al sportèl presentarse,
par vèrghe marchi,
sélini, fiorini, pesetas, escudos
e svisséri franchi,
e par sentìrse dìr parole amare,
ch’el ...