“De zàla luna ‘n gran tòco…” di Pierantonio Braggio

Là ‘n fondo, là de drìo,
fra i àlbari e la Gran Guardia,
véde l’òcio mìo
de zàla luna
‘n gran tòco:
‘n sóma, ‘na fortuna…!
Vàrdàndo sta luna
– tra aria tiépida e bòna –
el só butìn ‘na màma la cùna…
‘Na luna, ‘ntanto, se véde: la rìde a tùti e
àla Piàssa,
da apéna de sóra ai merli scaligeri…
‘N bèl véntesèl, po’, el calór via ‘l
spàssa…
Un dei tanti spetàcoli de la Bra,
bèlo e colorà,
che ‘n altre piàsse, mai se védarà…

0
  Articoli Correlati
  • No related posts found.