“Quatro de giugno 2007” di Pierantonio Braggio

Co’ ‘na bèla Messa,
i-a ‘naugurà
de San Piero Martire la casa istéssa
e de la só vita i-a predicà…
‘N gran còro
a Dio ‘l cantàva
– l’ànema de tùti la sentiva ristoro! –
che San Piero Martire tanto l’amava…
Védéndo, da la rovina,
rénàssar la céséta,
onór de Verona, zà dozènto àni prima,
e al cópatròno grande la festa,
el me cór la ciapà fià,
– tùto ‘l rèsto ‘l mé paréa desmentegà –
ai bèi tempi me paréa d’èssar tornà,
quando ‘l Martire tanto l’éra récordà…

0
  Articoli Correlati
  • No related posts found.