Done, moìve fora
Senti ne l’aria
Udor de primavera
Dèmoghe drento
Onto de gombio
Bruschin e spassaora!

E quando vegnea sera
tuta la casa la savea de neto
e, profumà de lessia e de lavanda,
l’era pu bela e la parea pu granda.

Noaltri puteleti via de salti
Per scùrtoi e per senteri
a strossolar cadene de camini.

Che festa rivar primi!

Quando me salta adosso sti pensieri
Me ciapa ‘n gropo en gola:
tiro la me cadena drento el cor
en gran silensio sensa far rumor.