“Luna vestìa de blu” di Lucia Beltrame Menini

Luna vestìa de blu,
parcossa sto colore?
Èlo par l’aqua granda
che à rabaltà Venezia?

Te n’à parlà le stele,
de sto dissesto in mare
che à alagà San Marco,
le cale co i canpièi?

Co tuto sto disastro
go in mente chel butelo:
l’era rivà co i tanti
sora on barcon dal Mali.
Quatordes’ani apena,
gnente tacuìn in scarsela
ma scrito in testa on sogno
che ’l s’à belo sfantà.

I l’à catà stechìo…
e in te la so majeta
ghera ben rodolà
de scola la pagela,
el so lassa-passare
de buteleto brào.

Tacà a la me finestra
te vardo, Luna cara!
Na làgrema se spèja
te ’l to vestito blu.

0
  Articoli Correlati
  • No related posts found.