Ma quante preghiere
gò ancora da dirte, Signor,
parché te te incorsi de mì?
Ma tì, mentre te prego,
sa sito drìo a far?
Forse te scolti altre preghiere
dite da chi gà più fede de mì
che invesse te prego rabiado,
quasi sigando par farme sentir!
La fede la serco,
no’ sta verghe passion,
ma quante volte bisogna che diga:
– Domine, non sum dignum! –
par farme conossar da tì?
La penitenza la fasso
ogni giorno par meritarme
la to compassiòn:
pianti, delusioni e dolori,
e ancora me trovo
qua insenocià, par ricordarte
che al mondo, fra i-altri,
esisto anca mì!