La voria piena de sente
Parche’ son stanco de sto gnente,
La voria piena de vita e de rumori,
Parche’ l’e’ natural che la sente la staga fori,
Voria che n te le piasse i se coresse drio i butini,
Parche’ col tablet i diventa tuti cretini,
Voria che la sente capisse el valor de l’arte del spetacolo e del belo,
Parche’ no ghe vita sensa quelo,
Voria che la sente la capisse che n virus nol ga inventa’ la morte,
Parche’ quela ghe senpre sta’ drio le porte,
Voria che la sente dei virologi no la fasesse n’ossession,
Parche’ voria che la vivesse de passion,
Mi voria cantar Verona,
Ma chela bona,
Parche’ se stemo tropo drio a sta nova cultura,
Ne catem n tel cul sol na puntura.