Rivà a sto punto
no me resta che
tirar i remi in barca
e spetàr che riva sera.
In scarsèla resta poco,
qualche schèo che ormai
no’ l val più gnente,
e che no spendo
soltanto par prudensa.
Rivà a sto punto
no me importa
de quel che ò fato bèn,
de quel ò fato a spane:
ormai l’è massa tardi
par piansàr sul làte
che t’è spànto.
L’è ora de seràr botèga,
scusarse del disturbo.
passàr su l’altra sponda
sensa voltarse indrìo,
e sponsarse, finalmente,
in brasso a Dio.