Tegnìme da conto co’ sarò vecia
anca se sarò sorda da ‘na recia
tegnìme da conto ve dimando
anca se el me sarvel el narà rumando

Mi ve son vegnùa sempre adrio
e no me son mai tirà endrio
diman a vualtri ve tocarà
de curar anca el vecio bupà

Pensì che de scherşar gabia oia?
No, ardì che ormai ghema i piè en moia,
nema viste tante e ‘na mota nema butà
e non volema da veci ciapar solo ‘na scarpà

Se non me tegnarì da conto, tuto magnarò
cossì non ve restarà gnanca en vecio paltò
no la casa e gnanca i campi alora ciaparì
se a mi e a me marì drio no ne vegnarì

Che emo fato tanto par vualtri fioi
e adeso ne tratì come fussimo roti ninsoi
stasì atenti, ve digo, che senò gnente catarì
e ve la fema sta olta tuti e du dal bon, perdì

L’è propio vera, no se g’à niente senò dai nostri fioi
par tanto che te faghe i ven su bastardi come i fasoi